Tuú maú Piveni Piukala heéne tukuakií á e Éiki Fakamaau Lahi neongo ngaue óku fakahoko kiai
Na’e fuú ofo áupito á e tokolahi ó e fonua í he felafoaki á e Fale Alea ó Tonga í he uike ni, í hono óhake é he Fakafofonga Tongatapu 7 Piveni Piukala, á e tukuakií mamafa ó e Éiki Fakamaau Lahi óku maú ia he mahaki ko e Éitisi (AIDS). Óku kau éni he tukuakií mamafa áupito he ko e tukuakií ó e úlu ó e sino pule é taha ó e fonua ko e Fakamaauánga.
Óku kei tuú kaivi pe á Piukala í he tukuakií naáne óhake he Fale Alea pe koeha á e meá óku hala? Ko e hili ia hono fakaíkaií é he Minisita Lao Dr. Viliami Latu ke fakahoko ha ngaue kia Piukala ko e tukuakií loi mo mamafa óku ne fakahoko. Ka ko e tali á Piukala, “ Pea koeha á e meá óku hala heéne fakamatala”.
Ko e tali á Piukala óku ne talamai óku falala moóni ki he fakamatala naáne fakahoko pea ko e úhinga ia éne fehuía hono fakaíkaií éne fakamatala.
Óku mahino é fakahoko á e ngaue á e Fale Alea ki he Fakafofonga Kakai Tongatapu 7 pea kapau é halaia pea óku tuú fakatu’utamaki kiate ia mo hono kaha’u fakapolitikale.
Kaekehe óku tui á e tokolahi óku taéfakaápaápa á e lea kuo fakahoko é he Fakafofonga neongo pe ‘oku moóni. Pea ko e taha, koeha koaa á e kaunga ó e tukuakií óku ne fakahoko pea mo e talangaí ó e Patiseti.
Óku íkai ko ha toki óhake éni á e hingoa ó e Éiki Fakamaau Lahi, he ko e fuofua taimi naé óhake ai hono hingoa ko e Éiki Fakamaau Lahi foóu, naé muimui mai mo e fakamatala á e Loea íloa ko Clive Edwards ko e ‘Eiki Fakamaau Lahi foóu óku moúi fakasotoma. Naé hoko éni ke longoaá ai á e fonua pea mo e fokotuú ke fai ha tohi tangi ki he Tama Tuí ke óua é tali á e hingoa kuo fokotu’u mai.
Ko e ngaue faka-FaleAlea ki he Fakafofonga, é íai hono fiemaú ó ha ola fakapepa faka-Toketaa ke fakamahino ai ko e tukuakií óku moóni. Ka ko e palopalema heni ko e lekooti moúi lelei á e Éiki Fakamaau Lahi óku óku tapu ia ke tuku atu ki he kakai ó e fonua, he ko e koloa ia á e tokotaha koia. Pea kapau leva he íkai lava á Piukala ó maú á e pepa fakamoóni fakaToketaa koéni pea é tuú fakatuútamaki kiate ia. Ka óku íai á e tui ko e tokotaha falalaánga naé maú mei ai á e fakamatala á Piukala. Pea kapau kuo maú é Piukala ha pepa fakamoóni pea é hoko atu pe kohai naáne mama kituá pea é lava ke fakaílo á e Potungaue Moúi naáne tuku kituá á e fakamatala.
Kaekehe óku íai foki á e lao ki he kau memipa Fale Alea he íkai ke fakaílo kinautolu í ha meá tenau malanga áki í Fale Alea. Pea kuo hoko ia ke ngaueáki é he kau memipa kenau toki lea faíteliha mo tukuakií tavale pe ha faáhinga meá, he óku nau ílo he íkai tenau moúa ai. Ka óku fai á e hohaá lahi ki he kakai óku uesia he faingamalie óku maú he kau memipa Fale Alea.
