Tautea ngaue popula ta’u 3 Tamai ki he faka’uli ta’etokanga tupunga ai mate hono foha mo hono ‘ofefine
Kuo tautea ngaue popula ta’u ‘e tolu ‘e Fakamaau Lahi Hon. Justice Tupou KC, he ‘aho 8 Siulai 2025 ‘a Manase Funaki ‘o Vava’u nofo Sia’atoutai, ki he faka’uli ta’etokanga ‘o tupunga ai ‘a e pekia ‘a hono foha ko Salesi ta’u 12 pea mo hono ‘ofefine ko Drothy ta’u 9.
Na’e tali halaia ‘a e Faka’iloa ki he hia kuo tukaki’i kiai he ‘aho 13 Mee 2015.
Fakatatau mo e fakamatala ‘o e hopo, na’e fongonga atu ‘a e famili mei Sia’atoutai ki Havelu ki he’enau lotu efiafi. Na’e feinga fakalaka ‘a e faka’uli ‘i ha me’alele lanu hinehina, ka na’e toe langa ‘a e me’alelei ia. Ka na’e ‘ikai pe tuku ‘ene feinga fakalaka ‘o fakalaka he me’alele ‘e taha pea ko’ene feinga hoko fe’unga mo e afe ki Hofoa, ‘o ‘ikai ke ne toe lava ’o pule’i ‘a e fohe kae sifaa ki he tafa’aki.
Na’e hoko ‘eni ke pekia ai ‘ene ongo tamaiki. ‘I hono leleaki’i ki falemahaki na’e ‘ikai toe felave kae fakapapau’i he Toketaa kuona pekia.
Na’e taukave ‘a Samiu Vaipulu ko e fakafofonga lao ‘a e Faka’iloa, ‘oku lolotonga fakatomala lahi ‘a e Faka’iloa ‘i he me’a kuo toko pea ko e taha na’e ‘ikai ha taha kehe ‘e uesia ka ko hono famili tonu pe.
Na’e kau ‘i he tu’utu’uni he ‘ikai te ne toe fai ha hia lolotonga hono malu’i toloi angalelei ‘a e ta’u ‘e ua. Ko e ‘aho te ne ‘ataa ai kuopau ke ne lipooti ki he ‘ofisa malu’i angalelei ‘i loto he houa ‘e 24. Pea kuo pau ke ne feinga ke kau ki ha ako ki he mo’ui.
Ko e Faka’iloa mei Vava’u ta’u 37, ka na’e hiki mai ki Tonga ni ke nofo mo’ene tangata’eiki mo hono mali ua mo’ena fanau, ka na’e ‘ikai lelei enau nofo pea hikihiki holo pe hono kaungame’a. Na’e iku ‘o mali mo e ki’i fanau ‘e toko 3.
