Kei hoko atu pe lulu tava he koloa ‘a e Fale Alea fakatatau ki he ‘Atita.2018-2023.
Ko e talu ‘a e fa’a tukuaki’i ‘a e Fale Alea ‘i he ngaahi taimi mai koee ki he lulu tava he pa’anga tukuhau ‘a e fonua pea mo e pehee kuo tuku. Ka ‘i he lipooti ‘a e ‘Atita ki he Siulai 2018-Tisema 2023 ‘a e Fale Alea ‘Oku lahilahi ‘a e mole ‘a e ngaahi koloa faka’elekitulonika hangee ko e laptop mo e telefoni. Ka ko e ngaahi kalasi mamafa taha ‘eni ‘i Tonga ni, he ko e kumi ki he kau memipa mo e kau ngaue ‘o e fale ‘eiki.
‘I he 2020-2022 na’e puli ai ‘a e ngaahi koloa ko’eni mei he ‘ofisi hili ‘a e ‘atita. Ko e ngaahhi laptop mo e telefoni mamafa taha ‘eni ‘o e ngaahi kautaha. ‘Oku mahino na’e puli ‘a e ni’ihi ‘ikai ma’u ha lekooti ‘a e ni’ihi pea ko e ni’ihi kuo fata atu ia he fanga tevolo.
Ko e Podium ko e ta’u fakapa’anga ‘eni ‘e 2 hili hono totongi mo e te’eki ke ma’u ia mei he kautaha na’e totongi kiai. Na’e ‘iai mo e misini generator fe’unga mo e $7800 na’e ‘ikai ma’u he taimi ‘atita, ka na’e pehee he kau ngaue ‘e toki fakafoki mai mei he ‘api ‘o e tokoni Sea.
Koloa | Aho Fakatau/ Koloa |
SmartPhone Samsung Galaxy Z Flip | 22/9/2020 $5000 |
Laptop(HP S/N S22 D8098 | ‘ikai lekooti |
Laptop (Toshipa M-PT321A | ‘ikai lekooti |
Laptop (Prestige 14A10SC GTX | 16/6/20 $6595 |
Laptop (Lenovo Thinkbook 14-1ML | 9/6/20 $5595 |
Laptop (Lenovo Thinkbook 14-1ML | 9/6/20 $5595 |
SamSung S21 Ultra | 24/3/22 $3068.70 |
SamSung S22-25gb | 12/10/22 $2060.87 |
Podium with Controller | $19,600 |
‘I he taimi tatau na’e ma’u he ‘Atita ‘a e fakamole ki he tikite folau ‘a e toko 26 ki he fe’auhi Ipu ‘a Mamani ‘o e Liiki, ka ko e took 20 pe na’e folau pea ‘oku ‘ikai ‘ilo kohai ‘a e took 6 na’e ‘ikai folau pea koeha ‘a e me’a na’e hoko ki he’enau tikite. Na’e fe’unga ‘a e fakamole ki he fo’i tikite ‘ata’ataa pe mo e $8099.85. Pea ‘oku fakatauange pe na’e ‘ikai ke fefund ia he ni’ihi na’e ‘ikai kau he folau. ‘Oku fakaloloma ko e fu’u kau folau tokolahi ko e kau Fakafofonga mo e kau ngaue pea aofangatuku he lipooti na’e ‘ova ‘a e pa’anga folau ki muli he patiseti na’e vahe’i kiai.
Na’e toe ‘ilo he ‘Atita, mei he 2020/2021-2022/2023 na’e totongi ai ‘a e $97,071.47 overtime ki he kau ngaue ‘a e Fale Alea ki he tafa’aki Admin. Laipeli, Ngaahi Komiti mo e ‘ofisi Fale Alea, ka na’e ‘ikai ma’u ha lekooti ia ‘o e ‘ova taimi.
‘Oku mahu’inga ke fakatokanga’i he ko e ma’u ‘a e pa’anga ‘ikai ha makatu’unga pe lekooti ke fakamo’oni’i ‘aki ‘a e fakamole ‘oku fu’u mafatukituki. Pea ‘oku angafefee ke malava ke hoko ‘eni he fale ‘oku taku koe fale ‘eiki ‘o e fonua.
