TokitaliuifakamahinaPalemiaki hemitiamoekakai,kaeteketaliuifakapotungauekelongomo’uihetaimikotoa
‘Oku malie ‘a e huu mai ‘a e pule’anga ‘o Lord Fakafanua mo’ene founga ki he taliui ‘a e Pule’anga ki he kakai ‘o e fonua,‘o fakafou he ngaahi kautaha ongoongo. ‘I he pule’anga na’e toki ‘osi na’e lele ‘i he uike kotoa ‘a e Konifelenisi ‘a e kau faiongoongo mo e Pule’anga. Pea ko’ene lava hono lipooti ‘a e ngaue ‘a e pule’anga mo e Kapineti he uike koia pea fai hono fakafehu’iapea ‘ataa leva ki he kau faiongoongo ke fehu’i ha fa’ahinga kaveinga pe. Na’e kau lelei ‘eni ki he kau faiongoongo, he ko e fehu’i ‘oku ‘ikai ke tali mei ha Potungaue ‘oku ‘eke ia he faingamalie ko’eni. Na’e ‘ikaingata ‘ene kau lelei ki he kau faiongoongo ke ma’u ha tali ki he ngaahi fehu’i ‘oku ‘ikai ke tali mei he ngaahi potungaue, ka na’e toe manakoa ki he kakai ‘o e fonua ‘o tatau pe ‘a Tonga mo e kainga ‘imuli, ‘enau fanongo hangatonu fakauike ki he Konifelenisi mo e kau Faiongoongo mo hono ngaahi kaveinga malie.Pea ‘i he tu’u lolotonga, ‘oku manakoa he kau Faiongoongo mo e kakai ‘o e fonua ‘a e polokalama fakauike ko’eni.Kaekehe ‘i he huu mai ‘a e pule’anga ko’eni, ‘oku ‘ikai kenau tui kinautolu ki he founga taliui koia, ka ‘oku nau tui kinautolu ‘oku lelei ange ke toki fakahokofakamahina. Ka ‘oku ongo lahi ia ki he ngaahi kautaha ongoongo koe’uhi ko’enau ngaahi ma’u’anga ongoongo fakauike he ‘ikai toe hoko atu, ka ‘oku ‘amo’amo ange ‘a e kakai ‘o e fonua ‘enaulotomamahi he liliu ko’eni kuo fakahoko.‘I he tui ‘a e Palemia fo’ou Lord Fakafanua, ‘e toki fakahoko fakamahina ‘a e konifelenisi mo e kau Faiongoongo, kae feinga’i ‘a e kau Minisita mo e kau CEOkenau taliui kakato ki he kau Faiongoongo, ke tali ‘enau ngaahi fehu’i. Pea ‘i he founga koia he ‘ikai fiema’u ke toutou fakauike ‘a e Konifelenisi Ongoongo.‘Oku kau ‘eni he liliu lelei he ko e ngaahifehu’i lahi ko e Minisita mo e CEO ‘o e Potungaue takitaha ‘oku nau ‘ilo lelei ki he ngaahi keveinga koia. Pea ko hono fakama’ala’ala, ‘e tonu mo maauange mei he’ene ha’u mei he ngaahiPotungaue. Ko e taha, ko e taimi ‘oku ‘ikai lava ai ha Konifelenisi ‘oku kei hokohoko lelei pe ‘a e ma’unga fakamatala ki he ngaahi kautaha mei he ngaahi Potungaue.Ko e palopalema lahi ‘okufekuki mo e kau Faiongoongo, ko e ‘ikai tali mai he kau Minisita mo e CEO ‘a e fehu’i mei he kau Faingoongo. Pea ‘oku tuku ta’e’ilo ai ‘a e kakai ‘o e fonua ki he ngaahi kaveinga mahu’inga lahi, koe’uhi ko e ‘ikai ha tali mei he Potungaue.‘
.‘Oku toe tui ‘a e pule’anga lolotonga, ‘oku ta’efakapolofesinale ‘a e founga ‘oku fa’a lele’aki ‘a e PC. Ka ‘oku fiema’u ke nofotaha pe ‘a e polokalama he kaveinga mahu’inga pea ‘oua ‘e fehopokaki takai holo. He ‘oku fa’a hoko lahi he ngaahi PC kimu’a ‘a e ‘ikai maau ‘a e founga fehu’i ‘a e kau Faiongoongo, toutou fehu’i ‘a e me’atatau ‘oku osi fehu’i kimu’a mo e ngaahi too nounou kehe.Kaekehe kuo fakaanga’i ‘e he tokolahi ‘a e founga fo’ou ‘a e pule’anga pea tala ‘oku popula ‘a e ngaahi kautaha ongoongo pea ‘ikai tau’ataina. Ka ‘o kapau ‘e fakapapau’i he Palemia ‘e taliui kakato ‘a e ngaahi Potungaue, ‘e fakasi’isi’i leva ‘a e fakaanga, he ‘oku ma’u pe ‘a e fakamatala he taimi kotoa. Pea ka ‘ikai ke ngaue lelei pea ‘e ‘alu hake ‘a e tukuaki’i kehekehe.
