Too mo-loto fuka ‘Amelika he uike ‘e taha ko e faka’apa’apa ki he pekia fefina hiva ‘iloa ko Dolly Parton.
Kuo tu’utu’uni ‘a e Palesiteni ‘o ‘Amelika Donald Trump ke too moloto ‘a e fuka ‘o e fonua ‘i he uike kakato ‘e taha, ko e faka’apa’apa mo e fakalangilangi ki he taha ‘o e kau fefine hiva ‘iloa taha ‘i Mamani pea ‘oku ‘iloa pe ko e (Queen of Country).
“ Ko e taha ia ‘o e kau fefine hiva ‘iloa taha kuo tau mataa pea mo e kaha’u pe to e ‘iai hano tatau”, ko e manatu melie ia ‘a Donald Trump kia Dolly Parton.
Kuo fakahaa he famili ofi mo e body guard ‘o e fefine hiva ‘iloa ni, ‘e fakahoko pe hono me’a faka’eiki fakafe’unga ‘o fakatatau ki he loto ‘o e famili. Na’e toki pekia pe hono hoa ‘i he ta’u kuo’osi pea ko e ta’u ni kuo maloloo ai mo e Queen of Country. Pea kuo a’utaki hake ‘a e fie kaungamamahi ‘a e lauafe ki he famili ko e fakamanatua ‘a e taleniti ‘o Dolly ‘i he taimi na’ane ‘i he tumutumu ai hono taleniti he ta’u lahi.
Na’e fanau’i ia ‘i Tennessee ‘Amelika ‘i he 1946 ki ha ongomatu’a masiva kae fanau tokolahi, mo tokanga ki he lotu. Pea ko e kamata’anga ia ‘a e hiva ‘a Dolly ko’ene hiva fakalotu he fai’anga lotu ‘o ‘ilonga ‘ene taleniti’ia he hiva ‘o a’u ki he’ene hiva he ngaahi polokalama TV mo Show, ‘o a’u ki he’ene hoko ko e sitaa he hiva.
‘Oku fakafuofua ki he ngaahi hiva ‘e 3000 kuone hiva mo fa’u pea mo e ngaahi ‘alapama ‘e 100 miliona kuo tuku atu he maketi hiva.
Na’e kau he’ene ngaahi hiva ‘iloa Jolene, I Will always love you. Na’ane toe ‘iloa he mala’e ‘o ‘eti faiva he’ene ‘eti’i ‘a e ngaahi faiva ko e Steel, Maganolias, Dollywood mo e Imagination Library. Pea ko e taupotu taha ‘o ‘ene ngaahi lavame’a ko e kau atu hono hingoa ki he Music Hall of Fame.
‘I he’ene pekia ‘oku fakafuofua ‘ene koloa mo’ene pa’anga ki he US$640 miliona
Na’e ma’u hoa ki he tangata ko Carl Dean pea na’ana mali ‘i he 1966 ko e ta’u ia ‘e 59 ‘ena nofo mali, ka na’e ‘ikai ha’ana fanau. Na’e fakahaa ‘e Dolly Parton ‘i he 2020 ‘a e ‘uhinga ‘oku ‘ikai ha’ane fanau kae tukutaha hono taimi ki he’ene hiva mo e ‘eti faiva. Pea ‘i he tu’unga ‘o e ‘ikai ha ‘ea ki he’ene koloa, ngalingali ko hono famili ofi hono fanga tokoua mo e tuonga’ane tenau ma’u monuu ha konga ‘ene koloa mo e pa’anga. Ka ‘oku ‘osi ‘iai ‘ene ngaahi kautaha tokoni ‘ofa ‘oku mahino ‘e ‘alu kiai konga ‘ene pa’anga.
