Tu’utu’uni Fakamaau’anga Lahi, ta’efakalao tu’utu’uni PSC kia Mele Magdalena Mafi
Kuo tuku mai ‘a e tu’utu’uni (order) ‘a CJ Cooper ‘o e Fakamaau’anga Lahi ‘o Tonga he ‘aho 6 Sanuali 2025, ko e ola ia hono vakai’i (judicial review) ‘o e tu’utu’uni ‘a e PSC na’e fakahoko ‘i he ‘aho 9 Sanuali 2024, ko e hili ia ‘a e tukuaki’i (charge) ‘o Ms. Fifita ki he maumau’i ‘o e Code of Ethic and Conduct 2010.
Kae hili hono vakai’i ‘e J Cooper ‘a e ngaahi pepa ‘o e ongo tafa’aki, na’ane tu’utu’uni ai ke fakatatafi (quash) ‘ a e tukuaki’i na’e fakahoko ‘e he PSC he ‘aho 27 ‘o ‘Okatopa 2023 pea fakatatafi pea mo e tu’utu’uni (decision) na’e fakahoko he ‘aho 9 Sanuali 2024, ke fakamaloloo’i ‘a Ms Mafi mei he ngaue.
Ko e makatu’unga ‘e 4 na’e tu’utu’uni ai ‘a CJ Cooper ke fakata’e’aonga’i ‘a e tu’utu’uni ‘a e PSC:
1.na’e te’eki ai ma’u ‘e Ms Fifita ha tatau ‘o e ngaahi tukuaki’i na’e fakahoko kiai, ke lava ‘o fakahoko ha’ane tali ke ma’u ‘a e Fakamaau Totonu.
2.na’e te’eki fakahoko he PSC ha fetu’utaki kia Moala Mafi ko e CEO maloloo, fekau’aki mo e tukuaki’i kuo fakahoko, he ‘oku taukave ‘a Fifita, na’e ‘osi faka’ataa ‘e he CEO maloloo ‘a e konituleki ngaue ‘ene ta’ahine mo’ene kautaha pea mo e Takimamata.
3.’I he lipooti ‘a e CEO lolotonga Mr. Takau ki he PSC, na’ane fokotu’u atu ‘eia ai ke tukuhifo (demote) ‘a Ms Fifita pea fakatokanga faka’osi, ka ‘i he tu’utu’uni ngaue ‘oku tapu ke fakahoko he CEO ha fokotu’u pehee, ka ko e fakahoko pe ‘ene lipooti.
4.ko e faka’osi, na’e ‘ikai pe ‘oange he PSC mo e Takimamata ha faingamalie ‘o Miss Fifitta ke fai ha’ane fakamatala, kae fakahoko pe ‘enau tu’utu’uni pea ‘oku ‘ikai ma’u ai ‘a e Fakamaau Totonuu
Ko e Mamahi ko e ta’u ‘eni ‘e 24 ‘ene ngaue ‘i he Potungaue Takimamata ‘a Tonga pea na’ane hoko ko e Talekita ‘i he 2019.
Ka ‘i he 5 ‘Epeleli 2023, na’e fakahuu atu ‘e he tokotaha ngaue ko Siosaia Pahulu ‘ene tohi (email) kia Koengi Tu’uholoaki ‘o e PSC, ko e tukuaki’i ‘a Ms Fifita ki he ngaue hala’aki hono mafai mo e ngaue ta’etotonu, ke ma’u monuu ai hono ‘ofefine ‘i he pa’anga ‘a e Potungaue Takimamata, mo’ene kautaha na’e ‘iloa ko e MATAPA Services. Pea fakatatau ki he’ene tohi, kuo ofi he $50000 ‘a e pa’anga kuo ma’u he MATAPA Services ‘i loto he ta’u pe taha.
Na’e a’u ki ha tu’unga ‘o e fakatotolo, na’e tu’utu’uni ai ‘a e komiti ko e Charge Formulation Committee he ‘aho 19 ‘Okatopa 2023, ke faka’ilo ‘a Ms. Fifita ‘aki ‘a e tukuaki’i ‘e 27. Na’e kau ki he komiti ko’eni ‘a Mr Tu’uhetoka mei he PSC, Solisitoa Seniale, ‘Atita Seniale pea mo MR Tuhanuku.
Ko e ‘uluaki tukuaki’i ‘e 4 ‘oku fekau’aki ia mo hono vahevahe ‘o e fika ko e $45,8000 ki he ngaahi konituleki ‘e 4 pea toki ngaue’aki fakafika $20000, koe’uhi ko e polokiuameni. Ko e toenga ngaahi tikite na’e fekau’aki ia mo e ngaue hala’aki pa’anga pea mo e fepakipaki ‘o e mafai faitu’utu’uni.
Kaekehe ko e tu’utu’uni ia ko’eni ‘e lava pe ‘a e PSC ‘o ‘ave ke fakahoko ha fakafekiki fakalao totonu kiai ‘i he Fakamaau’anga ‘i ha lele ha hopo. Ka ko’ene tu’u he taimi ni, ‘oku ta’efakalao ‘a e tu’utu’uni kuo fakahoko he PSC.
