Huufi tanaki’anga veve fika 3 ‘i Tapuhia foaki mo e tokoni me’angaue kehekehe
Ko ha makamaile ‘a e tokoni lahi ki he ngaue mahu’inga ko hono tanaki mo faka’auha ‘a e veve ‘i Tongatapu, ‘i hono fakalakalaka’i ‘oe tanaki ‘anga veve, ngaahi me’angaue, ngaahi me’alele mo e falengaue ‘i Tapuhia ‘i he uike ni.
Koe ngaahi veve mei he ngaahi ‘api nofo’anga, pisinisi, potungaue mo e kautaha fakapule’anga, mo e ngaahi ngaue angamaheni. Koe tanaki’anga veve (cell) na’e fonu ia ‘i he 2023 pea ko honofakaava ko’eni ‘a e tanaki’anga veve fika 3 ki he vahe fonua veve lahitaha ‘a Tongatapu.
“‘Oku mahu’inga ‘aupito ‘ae ngaahi tokoni kehekehe ki Tapuhia ke fakapapau’i ‘ene malu, falala’anga pea hokohoko lelei ‘a e ngaue ki he veve”, ko e me’a ia ‘a e CEO ki he Veve Dr. Taniela Kula ‘i honofakaava ‘o e ngaue ni he ‘aho 18 ‘o e mahina ni.
Ko e ngaahi tokoni ki hono langa ‘o e tanaki’anga veve fika 3, ko e ‘ofisi baguette mo e ngaahi me’angaue fakataha mo e loli komo sepitiki, tipper truck, crane truck, trailer mo e MazdaBT50s.
koe ola‘oe fengaue’aki mo e Pangike Langa Fakalakalaka ‘a ‘Esia, ‘i he tokoni ki Tonga ki he Tonga Integrated Resilience Sector Project. (TIURSP). Na’e kau ai mo e CAT loader mo e CAT backhoe ‘i hono foaki ki he Waste Authoritty Ltd.
“Ki ha ki’i Fonua si’isi’i hangee ko Tonga, ‘oku ‘ikai ha kelekele lahi kae tupu tokolahi hono kakai ‘oku hokohoko ‘a e lahi ‘o e veve pea fiema’u ha founga ngaue ki hono mapule’i ‘o e veve pea hoko ko ha palani ngaue fakafonua loloa”, ko’ene me’a ia. Ko ha fengaue’aki ki hono malu’i ‘o e ‘atakai mo hono fakamalohia ‘o e ngaue koia pea ngaohi ha Tonga ‘oku tu’uloa ma’a mo mo’ui lelei. ‘I he malumalu ‘o e Tonga Integrated Urban Resilience Sector Project, na’e foaki ai ‘a e ngaahi tokoni kehekehe ‘e 3 ki he ngaue mapule’i ‘o e veve. Poloseki USD $21.3 miliona.
Na’e fakahaa ‘e he Talekita le’ole’o ki he National Spatial Planning Authority Office (Savea mo e Fonua) mo e tokoni Talekita ki he TIURSP, Mr ‘Atunaisa Fetokai, ko e fakaivia ‘o e sepitiki mo e tanaki’anga veve ‘i Tongatapu ni ko e konga ia ‘o e poloseki lahi ange ki he fakalakalaka ki hono tau’i ‘o e pole ‘oku fehangahangai mo Nuku’alofa.
‘Oku kau he pole ‘a e tupu tokolahi ‘o e kakai, feliuliuaki ‘o e ‘ea mo e tu’unga fakatu’utamaki hangee ko e tafea, ma’olunga ‘o e tahi, afaa mo e fiema’u lahi koia ‘a e ngaahi langa ki he ngauefakavavevave mo e ngaue ‘a e pule’anga.
‘I he Sepitema 2019, na’e fakamo’oni ai ‘a e USD$21.3 miliona ‘a e Pule’anga Tonga mo e Pangike Fakalakalaka ‘a ‘Esia ki he TIURSP, ‘o nofo taha he ngaahi ola ko’eni.
1)Tafea he ngaahi feitu’u tu’u uesia taha
2)Ma’u’anga vai ‘oku falala’anga mo fakalakalaka
3)Fakaivia mo’ui lelei fakafonua mo ‘atakai ‘i hono fakalakalaka haisini mo e pule’i veve.
4)Fakamalohia ngaahi palani ngaue mo e fakalakalaka ‘o e ngaue ki he feliliuaki tu’uloa.
Na’e fakahaa ‘e ‘Atunaisa hono tali he Kapineti ‘i Sepitema 2025, ke tali ‘a e Nuku’alofa Development Strategy mo’ene ngaahi Palani ‘inivesimeni ke ne tataki ha to e ngaue ‘a e pule’anga ki he fakalakalaka ‘o Nuku’alofa mo e ‘inivesiment.
