Kuo fakahaa ‘e he Palemia ki he kakai na’e ‘i he polokalama Press Club ‘a e Kautaha Mitia ‘a Tonga, ‘oku ‘ikai tali ‘e he pule’anga ‘a e fokotu’u ke hoko atu ‘a e fakatau paasipooti. ‘Oku malie he ko e tama tatau pe ‘eni na’e takai holo mo’ene fokotu’u, ki he Palemia maloloo ‘Aisake Eke mo’ene Kapineti pea koia pe ‘eni ‘oku taki he pule’anga lolotonga, kuone fakahaa ‘oku tali ‘ikai he pule’anga ‘a e fokotu’u.Peko hono fakalea ‘etaha,  na’e ‘ikai tali  he’ene Kapineti ‘ene fokotu’u pea kapau ko’ene lave ki he tu’utu’uni ‘ae pule’anga kimu’a na’e totonu ke ne fakamahino. ‘Oku ‘iai ‘a e tui kuo ha’u ‘a e maama  ki he Palemia mo e ni’ihi na’anau fokotu’utu’u ‘a e fo’i fakakaukau ni, ‘oku ‘ikai tali he kakai ‘o e fonua pea tukukehe ange ha’ane ‘ilo ki he mokoi ‘o e Tama Tu’i ki he kaveinga ni, ‘oku ‘uhinga ai ‘ene holomui ‘aki ‘a e vave taha.         

Na’e faka’ohovale ‘a e tali ‘a e Palemia ki he kaveinga ni, ‘i he fehu’i mei he faiongoongo ‘a e ABC Mrs Marian Kupu. Na’e ‘ikai ke toe fu’u fakamatala loloa ‘a e Palemia, ka ko’ene fakahaa pe ‘oku ‘ikai tali he pule’anga. ‘Oku ‘ikai mahino ki hono pule’anga pe ko e pule’angakimu’a. Pea kapau ko hono pule’anga pea ‘oku ‘iai leva ‘a e me’a ‘oku hoko ki he Kapineti ko’eni ‘a e anga ‘ene tu’u ki he kaha’u.

‘Oku hangee pe ko hono ‘oatu kimu’a, ‘oku taimi hala pea paunima’ama’a ‘a e ‘uhinga na’e ‘ohake ai ‘a e fokotu’u, ‘o fakatatau ki he ola kovi na’e ‘iai ‘a e ngaue ni ‘i he kuohili. Pea ko e mei matangalo atu, kuo fakahoko ‘a e huu mata’i tele ko’eni kae malie na’ehu mai ia he taimi ‘oku kei manatu’i lelei pe ‘a e kaveinga ni.