Tautea ngaue popula ki he faka’uli ta’etokanga ‘o hoko ai mate
Kuo tautea ngaue popula ‘e he ‘Eiki Fakamaau Lahi LCJ Malcon Bishop ‘i he ‘aho 16 Sepitema 2025 ‘a Manase Maile, ke ne ngaue popula ki he ta’u 2 mahina ‘e 9 ki he tikite kehekehe ‘e 3.
Na’ane halaia kotoa ki he ngaahi tikite kotoa ko’eni, ki he
1)Faka’uli ta’etokanga mo hu’akava’ia ‘o makatu’unga ai ‘a e pekia ‘a Penisimasi Tu’ungafasi.
2)Faka’uli ta’etokanga ‘o hoko ai ‘a e lavea lahi kia ‘Inoke Houa
3)Faka’uli ta’etokanga ‘o hoko ai ‘a e lavea kia Siokapesi Paunga.
‘Oku kau ‘i he tautea hono toloi ‘a e ta’u ‘e ua fakamuimui ‘o malu’inga angalelei ki he ta’u ‘e 3 ke:
-‘oua na’ane toe fakahoko ha hia he vaha’a taimi koia.
-ke ne lipooti ki he kau Polisi ‘i loto he 48 hrs ‘ene ‘ataa.
-fakakakato ‘a e taimi tatea toloi kuo hilifaki.
-kau ki he ako ki he ‘olokaholo mo e tapaka.
-to’o ‘ene laiseni faka’uli he ta’u hono malu’i angalelei.
Fakatatau ki he puipuitu’a ‘o e hia na’e hoko, ‘i he ‘aho 12 ‘Okatopa 2024, na’e fakahoko ha inuinu ‘a e Faka’iloa fakataha mo e pekia mo ha ongo tangata kehe mo ha finemui ‘e taha, ‘i he’enaungaue’anga ‘i Fua’amotu. Na’anau ngaue ki he kautaha ‘a e Tonga Airport Limited.
Koe lolotonga ‘enau ma’u kava na’e fiema’u ‘e ‘One’one ko e tokotaha ‘o e kau inuinu ke ‘ave ia ki honau ‘api pea na’anau fonanga mai he hala, ‘o fe’unga tonu mo e vaha’avao ‘o Pelehake ki Malapo na’e lele lahi ‘a e Faka’iloa ‘o fakalaka he me’alele pea ‘ikai ke ne toe lava ‘o pule’i ‘a e me’alele kae sifa ‘o tui’i ‘a e fu’u niu he va’ehala.
Na’e pekia ai pe ‘a Tu’ungafasi pea lavea lahi ‘a ‘Inoke Houa mo Siokapasi kae lavea si’isi’i pe ‘a e Faka’iloa mo ‘One’one.
Na’e totonu ke hilifaki tautea ‘a e Faka’iloa ‘i he mahina ko Siulai ka na’e toloi he Fakamaau ke kakato mai ‘a e ngaahi fakamatala mahu’inga, ke makatu’unga ai hono hilifaki tautea koe’uhi ko e mafatukituki ‘a e hia.
Koe’uhi ko e fengaue’aki lelei ‘a e Faka’iloa mo e kau Polisi pea ‘ikai ha’ane lekooti faihia pea fakatomala he ngaue hala na’ane fakahoko, na’e loto ai ‘a e Fakamaau ke holoki hono tautea.
‘I he taimi tatau, na’e fakahaa ‘e he uitou ‘ene ongo’i lahi ‘a e mole hono hoa he koia ‘a e tauhi ‘o e famili pea ko’ene pekia ‘oku ‘ikai ha toe taha ke ne tokanga’i ia mo’ena fanau. Ka kuo ne fakamolemole’i ‘a e Faka’
