Vakai’i pule’anga ‘ene aleapau mo e Pacific Energy ko e lahi ‘a e toutou maha ‘a e penisini.
Ko fakahaa ‘e he Palemia ‘o Tonga ‘e fakahoko ‘a e vakai’i ‘e he pule’anga ‘ene aleapau mo e kautaha Pacific Energy, ko e kautaha lolo ‘oku ne fetuku mai ‘a e lolo ki Tonga ni.
‘Oku makatu’unga ‘eni ‘i he lahilahi ‘o e nounou mo e maha ‘a e penisini ‘i Tonga ni. Pea kuo palopalema ai ‘a e fe’alu’aki ‘a e kakai ‘o e fonua ‘o tatau pe ‘a e ‘uu saliote misini pea mo e ngaahi vakatahi mo e ngaahi misini ngaue ‘oku ‘utu penisini.
‘I he uike kuo’osi na’e a’u ‘a e maha ‘a e penisini ki he ‘aho ‘e 4 pea uesia lahi ‘a e fefononga’aki. Na’e a’u ki he fanau ako mo e kau ngaue na’e nofo he ako mo e ngaue, ko e ‘ikai ha ‘utu.
Na’e toe lahilahi ange ‘ene hoko he ngaahi motu ki tahi koe’uhi ko hono toki fetuku atu mei Tongatapu ni ki motu. Pea kuo fokotu’u ai mei Vava’u ki he pule’anga ke faka’ataa kenau huu hangatonu mai pe ‘enau lolo mei Nu’usila, ke ‘oua toe hoko ‘a e palopalema ni.
Ko e fakakatoa ‘o e lita lolo na’e huu mai ki Tonga ni ‘i he 2024: ‘Oku 1118 liters pe (mt) metric tonnes.
Diesel – 1,500,764.73 mt
Unleaded – 447,366.34 mt
Ko e lita tisolo leva ‘e 6.54 miliona ki he fakalele ‘o e misini tisolo ki he ‘uhila ‘a e Tonga Power ‘i he 2024.
Ko Vava’u ‘oku toe lahi ange fiema’u ‘a e penisini ki he ngaahi vaka tahi ki he ngaahi motu mo e ngaahi pisinisi mamata tofua’a. Pea ko e maha ‘a e penisini ‘oku fu’u ongo ‘aupito.
Ko Tongatapu na’e ‘ilonga ‘a e honge penisini ‘i he ngaongao ‘a e hala pule’anga. Ko e ngaahi me’alele pe na’e ‘utu fonu pea mo e ngaahi me’alele ‘utu tisolo na’e kei lele. Ko e kiu he ngaahi pausa na’e a’u ki he kiu mo e nge’esi hina ke lava ‘o vave ke ‘utu ‘aki ‘a e me’alele.
Ko e 80% ‘o e ngaahi me’alele ‘oku ‘utu penisini pea ko e toenga ‘oku ‘utu tisolo pea ko e ‘uhinga ia ‘oku lahi nounou ai ‘a e penisini.
‘Oku ‘ikai ko ha palopalema fo’ou ‘a e fa’a nounou ‘a e penisini fakataha mo’ene mamafa. Pea ko e lau ta’u ai pe tangi ‘a e kakai ke solova ‘a e palopalema mo e tali tatau ‘oku fa
