Tauteangauepopulatangata’eikita’u60meiHa’akame,ma’umoefaito’okonatapu,me’ataumoemahafuta’efakalao
Na’e tautea ngaue popula ‘e Hon. Justice Tupou (KC) ‘a e matapule mei Ha’akame ko ‘Alifeleti ‘Anitoni he ‘aho 30 Sanuali, ko e ma’u mo e faito’o konatapu (cannabis) mo e me’atau mo e mahafu ta’efakalao ‘i hono ‘api nofo’anga ‘i Ha’akame.Ko e tikite ‘e tolu na’e faka’ilo kiai ‘a e Faka’iloa (1) tauhi ‘a e me’atau ta’elaiseni. (2) tauhi ‘a e mahafu ta’efakalao (3) tauhi ‘o e faito’o konatapu class B(cannabis) fe’unga mo e 117.55g. (4) ma’u mo e naunau ki he ifi faito’o konatapu. Na’e tali halaia kotoa ‘a e Faka’iloa ki he ngaahi tikite. Na’e tautea ke ne ngaue popula mahina ‘e 17 ki he tikite ‘uluaki pea mahina ‘e 13 ki he tikite hono ua pea mahina 17 ki he tikite fika tolu. Ka ke ngaue’i fakataha pe ‘a e tikite ‘uluaki mo e ua ki he tikite hono tolu. Ko e mahina ‘e 9 fakamuimui ‘e tautea toloi he ngaahi makatu’unga pau. Ko e mahina leva ‘e 8 ‘e ngaue’i ‘e he Faka’iloa.Kaekehe fakatatau mo e puipuitu’a ‘o e me’a na’e hoko, he ‘aho 14 Mee 2025, na’e ma’u he kau Polisi ha fakamatala falala’anga ‘oku fakatau atu he Faka’iloa mei hono ‘api nofo’anga ‘i Ha’akame ‘a e faito’o konatapu ta’efakalao. Na’e teueteu ‘a e kau Polisi ki he va’a faito’o konatapu ‘o fakataumu’a ki he ‘api ‘o e Faka’iloa. ‘I he’enau a’u atu ‘oku lolotonga fakahoko ‘a e kai efiafi ‘a e famili honau fu’u lalo mango honau ‘api. Na’e lau ‘atu ‘a e tohi na’anau ha’u moia ko e kumi koloa.’I he kumi na’e fakahoko na’e ma’u ai ‘a e me’afana ‘e ua pea mo e mahafu ta’efakalao.
Na’e ma’u pea mo e faito’o konatapu ko e cannabis mo e me’akehe pe.Na’e puke ai pe he kau Polisi ‘a e Faka’iloa ‘o ave ki ‘api Polisi ‘o faka’eke’eke. ‘I hono ui ‘ene hopo he ‘aho 8 ‘Okatopa 2025 na’e tali halaia ‘a e Faka’iloa. ‘Oku kau ‘a Ha’akame ‘i he feitu’u ‘oku maaka’i he kau Polisi ‘a e lahitaha ai ‘a e faito’o konatapu. Ka ko e pango ‘oku te’eki pe kenau puke ‘e kinautolu he taha ‘oku taku ko e ni’ihi ‘o e kau ‘ulu’ifeke. Ko e konga ‘o e tautea toloi ‘o e Faka’iloa, kuopau ke ‘oua na’ane toe fakahoko ha hia lolotonga hono malu’i kitu’a ko e ta’u ‘e 2. Kuopau ke ne taliui ki he kau Polisi ‘i loto he 48 hrs hono tukuange ia pea kene kau ki he ako ‘a e Salvation Army ki he faito’o konatapu mo e tapaka ‘i he vavetaha.
