Faka’ohovale’i he Junior Ikale Tahi timi hau a Fisi
Koe tau malie ‘a e timi fo’ou ‘a Tonga moe timi taukei mo feangai ‘a Fiji. Na’e ‘ikai ke ‘iai ha ‘amanaki ‘e malohi ‘a Tonga, he koe timi ‘a timi ‘a Fiji, na’a nau kau atu nautolu ki he fe’auhi U20 ‘a mamani, pea fuoloa ‘enau feohi mo va’inga fakataha. ‘Ikai ke ngata ai ka koe timi ‘a Fisi, koe timi lalahi, mamafa pea toe vave. Na’e ‘ilonga eni he konga hono ‘uluaki ‘aki ‘enau toutou lele’i ‘a e va’inga pea avangi moe tifeni ‘a Tonga ‘o fakahoko ai ‘enau tata’o ‘e 5.
Na’e malolo ko e 29-3 ‘a Fiji, pea na’e pehe he tokolahi ‘e kilikiti ‘a Fiji he tu’u mai konga hono 2. Ka na’e faka’ohovale’i he Junior Ikale Tahi ‘a e kau mamata, ‘aki ‘enau tata’o hohoko ‘e 3 he miniti pe ‘e 5. Pea nau toe ngaue’aki ‘a e faingamalie ma’u pulu kenau pule’i ai ‘a e va’inga he ‘uluaki miniti ‘e 14 ‘o e konga hono 2. Na’e lahilahi ‘a e fehalaaki ‘a e timi ‘a Fiji he nau feinga ‘oho kai, pea tatau pe ki he timi ‘a e Tonga. Koe tata’o pe ‘e 1 ‘a Fiji he toe miniti ‘e 10 meihe fehalaaki ‘a TON honau laini tata’o.
‘Oku ‘iai ‘a e ‘amanaki lelei ki he teu tau hoko ‘a Tonga vs Samoa he Tokonaki, he koe malohi ai, pea ‘e hu atu ia ki he World Under 20 Trophy ‘i Sikotilani. Mou ‘alu atu TONGA ‘o poupou’i ‘etau fanau. Na’e malohi ‘a e timi fakatahataha ‘a e Moana Pasifika ‘i samoa. Koe timi ‘a e Moana na’e toki tufitufi atu pe ‘o toki mahino ‘a e timi he toe lau ‘aho pea fai ‘a e tau.
3 mins – Tata’o malie ‘a Fiji meihe maumau lao ‘a Tonga. Fiji 7-0 TON
7 mins – Hu ‘aka tautea ‘a #10 Sione Matakaiongo. FIJ 7-3 TON
11 mins – Hala ‘a e ‘aka tolopu ‘a Sione Matakaiongo
12 mins – Hala ‘a e ‘aka tautea ‘a Sione Matakaiongo
17 mins – Tata’o ‘a Fiji meihe molo. Hala ‘aka fakhu. Fiji 12 – 3 TON
21 mins – Tata’o malie ‘a Fiji meihe ‘enau set piece. Fiji 17 – 3
26 mins – Tata’o ‘a Fiji meihe fehalaaki ‘a Tonga. Fiji 22-3 TON
29 mins – Tata’o malie ‘a Fiji. Hu ‘aka fakahu. Fij 29-3 TON
HALF TIME
44 mins – Tata’o malie ‘a e Kapiteni ‘a TON, #13 Siosifa Tohi. Hu ‘aka ‘a Sione Matakaiongo. FIJ 29-10 TON
46 mins – Tata’o malie ‘a #7 Kolo Afemui meihe lakulaku malie ‘a TON. Hu ‘aka fakahu ‘a Sione. Fiji 29-17 TON
49 mins – Toe tata’o malie #4 Peni Tafea. Hala ‘aka ‘a Sione. Fiji 29-22 TON
Na’e fetukuaki hoko ‘a e va’inga pea lahilahi ‘a e fehalaaki meihe ongo timi.
55 mins – Tautea’i ‘a TON meihe tali fakatu’utamaki. ‘Akahi ‘e fiji ‘o hu. FIJ 32-22 TON
58 mins – Na’e ‘iai ‘a e faingamalie ‘a TON kenau tata’o ka na’e paasi mu’a
70 mins – Sikalamu ‘a Tonga mita 1 meihe ‘enau laini tata’o. Paasi kovi atu he fika 8 kia Sione, ‘one ‘ikai kene ma’u kae teka atu pulu he loto laini tata’o. Pango na’e ‘uluaki a’u atu fanga ki’i paiki ia ‘a Fiji ‘o lomi’i hifo ai pe ‘a e pulu ‘o tata’o. FIJI 39 – 22 TON.
75 mins – Tautea’i ‘a Fiji honau mita 25. Na’e fili ‘a TON ia kenau ‘aka fakahu kae ‘ikai koe laini ‘auti ke ‘ai ha fo’i tata’o. Hu ‘aka ‘a Sione. FIJI 39 – 25 TON.
77 mins – Toe mole moe fo’i faingamalie tata’o ‘a TON meihe paasi mu’a.
FULL TIME . FIJI 39 – 25 TON
Solo Savelio.
